Aktivitete

Pas më shumë se tre muajsh protestë para Kryeministrisë, aktivistët e “Shqipëria Bëhet” janë përballur me ndërhyrje të vazhdueshme të policisë, sekuestrim të materialeve dhe tensione. Edhe pse Prokuroria vendosi mosfillim procedimi për protestën e 5 janarit dhe kthimin e materialeve, më 6 mars aktivistët i rivendosën ato, por policia ndërhyri menjëherë duke i larguar sërish. Ndërhyrje të ngjashme u përsëritën edhe më 8 dhe 12 mars, ku u hoqën çadra, pankarta dhe mjete të tjera të protestës. Gjatë këtyre përplasjeve pati edhe shoqërime të protestuesve dhe tensione para Komisariatit nr.1, ndërsa avokatëve fillimisht nuk iu lejua hyrja. Janë hapur disa procedime penale ndaj aktivistëve për akuza si “pushtim toke”, “grumbullime të paligjshme” dhe “prishje e qetësisë publike”, të cilat ata i kundërshtojnë. Pavarësisht situatës, aktivistët deklarojnë se do të vijojnë protestën, duke e konsideruar një të drejtë kushtetuese dhe një formë reagimi ndaj keqqeverisjes.

Mes pankartave dhe thirrjeve për largimin e kryeministrit Edi Rama, qindra qytetarë iu bashkuan protestës për të kërkuar transparencë, përgjegjësi dhe rikthimin e pushtetit te qytetarët. Protesta nisi me fjalën e aktivistit Flamur Balaj nga Durrësi, si dhe vazhdoi me fjalën e nënkryetares së partisë, nënkryetarja e partisë Dorina Prethi, e cila vuri theksin te bashkimi qytetar përballë padrejtësive. Inxhinier Erjon Selmani vuri në dukje gjatë fjalës së tij problematikat e mëdha në rrugë, duke vënë në pikëpyetje investimet që janë bërë dhe paratë publike që janë vjedhur. Në mbështetje të banorëve të Rrjollit, fjalën e mbajti edhe Merita Bekteshi nga Shkodra, duke theksuar se protestat duhet të sjellin bashkim kauzash përballë Kryeministrisë. Të tjerë qytetarë ndanë shqetësimet e tyre, duke kërkuar dorëheqjen e Edi Ramës.

Lëvizja “Shqipëria Bëhet” u përfaqësua në një takim të rëndësishëm pune me delegacionin e Partive Popullore Europiane (EPP) nga:‍ • Adriatik Lapaj – Kryetar • Elton Laska – Sekretar i Përgjithshëm‍ • Erjon Bacaj – Drejtues i Departamentit për Marrëdhëniet Ndërkombëtare • Lindita Begolli – Anëtare e KryesisëGjatë këtij takimi, delegacioni ynë paraqiti me fakte dhe argumente konkrete realitetin e zgjedhjeve të 11 majit 2025, duke evidentuar deformimet serioze të shkaktuara nga dy partitë e vjetra përmes Kodit Zgjedhor, si dhe korrupsionin që ka kapur qeverisjen në nivelet më të larta.

Në Bulevardin “Dëshmorët e Kombit”, përpara godinës së Kryeministrisë në Tiranë, u zhvillua protesta e katërt kombëtare e organizuar nga Lëvizja “Shqipëria Bëhet”. Qytetarë të shumtë nga e gjithë Shqipëria, si dhe përfaqësues të diasporës të ardhur enkas nga vende të ndryshme të botës, iu bashkuan thirrjes për protestë kundër korrupsionit dhe qeverisjes aktuale.Në fjalën e tij para protestuesve, Lapaj renditi një sërë çështjesh dhe aferash që, sipas tij, implikojnë qeverinë e drejtuar nga Edi Rama. Ai përmendi rastin e zëvendëskryeministres Belinda Balluku, si edhe çështje që lidhen me Agjencinë Kombëtare të Shoqërisë së Informacionit (AKSHI), duke theksuar se këto janë arsye të mjaftueshme, sipas tij, për dorëheqjen e qeverisë.

Në Bulevardin “Dëshmorët e Kombit”, përpara godinës së Kryeministrisë në Tiranë, u zhvillua protesta e katërt kombëtare e organizuar nga Lëvizja “Shqipëria Bëhet”. Qytetarë të shumtë nga e gjithë Shqipëria, si dhe përfaqësues të diasporës të ardhur enkas nga vende të ndryshme të botës, iu bashkuan thirrjes për protestë kundër korrupsionit dhe qeverisjes aktuale.Në fjalën e tij para protestuesve, Lapaj renditi një sërë çështjesh dhe aferash që, sipas tij, implikojnë qeverinë e drejtuar nga Edi Rama. Ai përmendi rastin e zëvendëskryeministres Belinda Balluku, si edhe çështje që lidhen me Agjencinë Kombëtare të Shoqërisë së Informacionit (AKSHI), duke theksuar se këto janë arsye të mjaftueshme, sipas tij, për dorëheqjen e qeverisë.

Protesta e radhës e organizuar nga Lëvizja Shqipëria Bëhet më 4 janar para godinës së Kryeministrisë është shoqëruar me tensione dhe përplasje mes protestuesve dhe forcave të policisë.Gjatë fjalës së tij, kreu i lëvizjes, Adriatik Lapaj, akuzoi persona civilë se po fotografonin protestuesit me qëllim identifikimin dhe arrestimin e tyre pas tubimit.“Ka civilë që po u bëjnë foto qytetarëve për t’i arrestuar. Turp të keni, hajdutë. Arrestoni mua, ja ku jam. Pse u bëni foto qytetarëve? Pse i frikësoni njerëzit?”, u shpreh Lapaj para protestuesve.