Aktivitete

“Aktualisht në kallëzim kemi kërkuar që të hetohen të gjitha situatat që i takojnë shpërdorimit të detyrës, shkatërrimit të pronës dhe ndotje të ujit, ajrit dhe tokës. Jemi të gjithë dëshmitar që sot kemi çmimin më të lartë të naftës në rajon dhe pse jemi një vend që prodhon naftës, dhe sërish një pjesë e konsiderueshme derdhet në lumenj, në tokë dëmton ekosistemin. Kemi kërkuar që të behet një hetim, të kuptojmë sesa ka fituar shteti shqiptar nga këto dhe i kërkojmë SPAK që të hetojë imtësisht gjendjen e kontratave të naftës, edhe nëse ka pasur korrupsion nga zyrtarët e lartë apo qytetarët që kanë abuzuar me nëntokën tokë. Kemi bashkëngjitur dhe provat”, tha Dorina Prethi.

Përmes një video reagimi në rrjete sociale, Lapaj tregon se kallëzimi përfshin prova dhe fakte që synojnë të nxisin hetime të plota mbi mënyrën se si është menaxhuar kjo pasuri natyrore ndër vite. Sipas kreut të 'Shqipëria Bëhet' ndërkohë që në vend raportohen derdhje të konsiderueshme të naftës në mjedis, qytetarët shqiptarë përballen me çmime ndër më të lartat në rajon dhe në botë.Nga të dhënat e siguruara përmes komunikimeve me Agjencinë Kombëtare e Burimeve Natyrore, rezulton se gjatë periudhës 2004–2023 janë nxjerrë nga koncesionarët privatë rreth 15,054,451 ton naftë bruto. Ndërkohë, vetëm për vitet 2023–2024 janë prodhuar mbi 1.2 milion ton të tjera – thotë Lapaj në video reagim.

Kreu i Lëvizjes “Shqipëria Bëhet”, Adriatik Lapaj, ka ironizuar kryeministrin Edi Rama për rritjen e çmimeve të ushqimeve, duke e lidhur situatën me mungesën e mbështetjes për fermerët. Sipas tij, kostot e larta vijnë nga mungesa e subvencioneve dhe politikave mbështetëse në bujqësi. Lapaj thekson se fermerët vazhdojnë të prodhojnë pavarësisht vështirësive, ndërsa prezanton edhe propozimet e lëvizjes për subvencione, kredi të buta dhe mbështetje më të madhe për sektorin.

Nënkryetarja Dorina Prethi dhe Kryetari Adriatik Lapaj, u pritën në një takim nga Ambasadori i Delegacionit të Bashkimit Europian në Shqipëri, Sh.T.Z. Silvio Gonzato.Gjatë takimit u trajtua situata aktuale politike në vend, duke vënë në pah nevojën për reforma reale që garantojnë garë të barabartë politike dhe përfaqësim të drejtë të vullnetit të qytetarëve.

Adriatik Lapaj ka reaguar ashpër lidhur me situatën e sektorit të naftës në Shqipëri, duke denoncuar atë që e cilëson si keqmenaxhim dhe abuzim nga institucionet shtetërore.Sipas tij, në zonën e Mallakastrës, nafta po derdhet “si lum”, ndërsa qytetarët shqiptarë përballen me çmime shumë të larta të karburantit. Lapaj akuzon drejtpërdrejt shtetin shqiptar dhe kompaninë Albpetrol për mungesë kontrolli dhe përgjegjësie.

Çmimi i naftës në Shqipëri ka arritur në 218 lekë/litër, duke rënduar kostot për qytetarët dhe bizneset. Kreu i Lëvizjes “Shqipëria Bëhet”, Adriatik Lapaj, ka denoncuar diferencat me rajonin, ku nafta në Kosovë kushton rreth 160 lekë/litër dhe në Maqedoninë e Veriut rreth 145 lekë/litër. Sipas tij, çmimi i lartë në Shqipëri lidhet me barrën fiskale, ndërsa një qytetar në Tiranë paguan deri në 45 euro më shumë për një furnizim prej 60 litrash krahasuar me vendet fqinje. Lëvizja “Shqipëria Bëhet” kërkon uljen ose pezullimin e taksave që ndikojnë në rritjen e çmimeve.